Zavočna buduć sudzić pieciarych kalinoŭcaŭ
Śledčy kamitet paviedamiŭ, što śpiecyjalnaja vytvorčaść, jakaja maje na ŭvazie zavočnaje asudžeńnie, adkrytaja suprać piaci čałaviek, źviazanych z Pałkom Kalinoŭskaha, jaki vajuje va Ukrainie.
Hetym razam śpiecyjalnaja vytvorčaść adkrytaja suprać 44-hadovaha Arcioma Bihiela, 25-hadovaha Viačasłava Hranoŭskaha, 34-hadovaha Ihnata Kirejeva, 32-hadovaj Nastaśsi Machamiet i 31-hadovaha Jana Mielnikava.
Usim pradpisvajecca źjavicca va Upraŭleńnie Śledčaha kamiteta pa horadzie Minsku.
Pavodle Śledčaha kamiteta,
«akramia ŭdziełu ŭ bajavych dziejańniach na terytoryi susiedniaj dziaržavy, hrupa abjadnana idejaj uvarvańnia ŭ Respubliku Biełaruś dla inicyjavańnia ŭzbrojenych sutyknieńniaŭ z pravaachoŭnymi orhanami i ŭzbrojenymi siłami našaj krainy, hvałtoŭnaj źmieny kanstytucyjnaha ładu, zachopu dziaržaŭnaj ułady złačynnym šlacham i likvidacyi hramadzian, niazhodnych z prapahandujemaj ideałołhijaj».
Fihurantam inkryminavany šerah artykułaŭ kryminalnaha kodeksu, siarod jaki «akt teraryzmu» i «arhanizacyja dziejnaści terarystyčnaj arhanizacyi».
Čytajcie taksama:
Zasnavalnika miedcentra «Novy zrok» zavočna prysudzili da 12 hadoŭ kałonii
Da kałonii i bujnych štrafaŭ asudzili pradstaŭnikoŭ minskaha startap-chaba «Imahuru»
Andreja Stryžaka, Alaksieja Lavončyka i Sašu Źvieravu buduć sudzić zavočna
Viarchoŭny sud admianiŭ prysud art-mieniedžaru Alaksandru Čachoŭskamu, spravu buduć pierahladać