На крайнім захадзе Беларусі пабачылі рэдкую птушку
Караткапальцага паўзунка пабачыў 12 студзеня ў старым парку горада Высокае Камянецкага раёна (крайні заходні пункт Беларусі) птушкар Яўген Місіюк, піша «Дзікая прырода побач».
Фота Іны Субоцінай
Яўген звярнуў увагу на доўгую дзюбу паўзунка і западозрыў, што гэта, магчыма, караткапальцы.
У Еўропе пражываюць два віды паўзункоў — звычайны і караткапальцы. Звычайны паўзунок у Беларусі сустракаецца паўсюль. А вось караткапальцага апошні раз у нас бачылі больш за 100 гадоў таму назад. У XXI стагоддзі было толькі некалькі галасавых рэгістрацый гэтага віду, але не выключаныя памылкі.
Адрозніць гэтыя віды паўзункоў у прыродзе няпроста — яны выглядаюць амаль аднолькава. Надзейныя спосабы для птушкара — добры фотаздымак ці запіс голасу.
Гнёздаў гэтага віду птушак у Беларусі яшчэ ні разу не знаходзілі.
Чытайце таксама:
Свойская качка, што плавала ў сажалцы ва Уруччы, спачатку знікла, а потым стала вядома яе гісторыя