Малдова афіцыйна заявіла пра непрызнанне выбараў Лукашэнкі
Рэспубліка Малдова не прызнае выбары ў Беларусі і далучаецца да заяў Еўрапейскага саюза, паведаміла Міністэрства замежных спраў гэтай краіны.
Фота: Maksim Konstantinov/SOPA Images/LightRocket via Getty Images
Паводле афіцыйнага Кішынёва, Малдова дзейнічае як кандыдат на ўступленне ў ЕС, а статус кандыдата і працэс далучэння прадугледжваюць узгадненне сваіх крокаў на міжнароднай арэне з дэкларацыямі і абмежавальнымі мерамі ЕС.
У пытанні беларускіх выбараў Малдова далучылася да пазіцыі ЕС па пытаннях правоў чалавека, палітычнага ўдзелу і доступу грамадзян да незалежных СМІ, грамадзянскай апазіцыі і легітымнасці выбарчых працэсаў у краінах, дзе праводзяцца выбары.
22 студзеня Еўрапейскі парламент прыняў рэзалюцыю, у якой заклікаў краіны ЕС, дзяржавы-члены і міжнародную супольнасць не прызнаваць легітымнасць прэзідэнцкіх выбараў у Беларусі. Хоць гэтая рэзалюцыя была заблакаваная Венгрыяй, але тым не менш з еўрапейскіх краін насуперак ёй пайшлі пакуль толькі ўлады Сербіі і часткова Босніі і Герцагавіны. Іх кіраўнікі павіншавалі Лукашэнку з «пераабраннем».
Галасаванне адбылося 26 студзеня, Лукашэнку падкантрольная яму ЦВК намалявала 86,82% галасоў.
Чытайце таксама:
Лукашэнка дачакаўся віншавання ад прэзідэнта Ірана
Якія краіны віншавалі Лукашэнку з перамогай у 2020-м, а цяпер ігнаруюць яго «пераабранне»
Сі Цзіньпін павіншаваў Лукашэнку