Уладзімір Пуцін накіраваў Аляксандру Лукашэнку віншавальную тэлеграму з «перамогай на выбарах» прэзідэнта Рэспублікі Беларусь, паведаміла ў панядзелак прэс-служба Крамля.
«Паважаны Аляксандр Рыгоравіч, сардэчна віншую вас з перавыбраннем на пасаду прэзідэнта Рэспублікі Беларусь», — гаворыцца ў тэлеграме.
У дакуменце таксама адзначаецца, што «ўпэўненая перамога наглядна сведчыць пра палітычны аўтарытэт беларускага лідара і несумненную падтрымку народам таго курсу, якім ідзе краіна».
Пуцін падкрэсліў, што за апошні час удалося зрабіць шмат для ўмацавання сяброўскіх сувязяў Масквы і Мінска, і гэтая праца, безумоўна, будзе працягнутая, у тым ліку ў галіне развіцця шматпланавага супрацоўніцтва, павышэння эфектыўнасці інстытутаў Саюзнай дзяржавы і прасоўвання ўзаемавыгадных інтэграцыйных працэсаў.
Расійскі лідар пажадаў Лукашэнку поспехаў у дзейнасці на вышэйшай дзяржаўнай пасадзе, здароўя і дабрабыту.
Павіншавалі Лукашэнку таксама прэзідэнты Казахстана, Узбекістана, Таджыкістана і Венесуэлы.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары