Raiffeisen Bank страціў ад продажу Прыёрбанка больш за 800 мільёнаў еўра
Raiffeisen Bank International (RBI) апублікаваў папярэднія вынікі 2024 года. У іх у тым ліку знайшлі адлюстраванне страты ад здзелкі па продажы сваёй долі ў Прыёрбанку, заўважыў Office Life.
Фота: Office Life
Паведамляецца, што страта ад гэтай здзелкі склала €824 млн, пры гэтым €311 млн з іх — страты ад продажу актыву па цане, ніжэйшай за балансавую.
Здзелка была закрытая 29 лістапада 2024 года. Пакупніком стала кампанія Soven 1 Holding з Аб'яднаных Арабскіх Эміратаў. Яна купіла 87,74%-ную долю аўстрыйцаў у Прыёрбанку.
У момант анансавання здзелкі паведамлялася, што страты групы RBI ад яе складуць каля €225 млн з-за розніцы ў цане пакупкі і балансавай цаны капіталу Прыёрбанка. Акрамя гэтага, давядзецца спісаць у страты сумы курсавых розніц і пераацэнак у аб'ёме каля €450 млн, якія пакуль лічацца ў сукупным даходзе банка.
Імя новага канчатковага бенефіцыяра Прыёрбанка не раскрываецца.
Чытайце таксама:
Raiffeisenbank закрыў здзелку па продажы Прыёрбанка
Купіць мільярд за €230 мільёнаў. Продаж Прыёрбанка азалаціў бізнэсменаў удачы пры Лукашэнку