Raiffeisen Bank straciŭ ad prodažu Pryjorbanka bolš za 800 miljonaŭ jeŭra
Raiffeisen Bank International (RBI) apublikavaŭ papiarednija vyniki 2024 hoda. U ich u tym liku znajšli adlustravańnie straty ad ździełki pa prodažy svajoj doli ŭ Pryjorbanku, zaŭvažyŭ Office Life.
Fota: Office Life
Paviedamlajecca, što strata ad hetaj ździełki skłała €824 młn, pry hetym €311 młn ź ich — straty ad prodažu aktyvu pa canie, nižejšaj za bałansavuju.
Ździełka była zakrytaja 29 listapada 2024 hoda. Pakupnikom stała kampanija Soven 1 Holding z Abjadnanych Arabskich Emirataŭ. Jana kupiła 87,74%-nuju dolu aŭstryjcaŭ u Pryjorbanku.
U momant anansavańnia ździełki paviedamlałasia, što straty hrupy RBI ad jaje składuć kala €225 młn z-za roźnicy ŭ canie pakupki i bałansavaj cany kapitału Pryjorbanka. Akramia hetaha, daviadziecca śpisać u straty sumy kursavych roźnic i pieraacenak u abjomie kala €450 młn, jakija pakul ličacca ŭ sukupnym dachodzie banka.
Imia novaha kančatkovaha bienieficyjara Pryjorbanka nie raskryvajecca.
Čytajcie taksama:
Raiffeisenbank zakryŭ ździełku pa prodažy Pryjorbanka
Kupić miljard za €230 miljonaŭ. Prodaž Pryjorbanka azałaciŭ biznesmienaŭ udačy pry Łukašenku