Ва Украіне ўвялі санкцыі супраць былога прэзідэнта Пятра Парашэнкі
На пасяджэнні Рады нацыянальнай бяспекі і абароны Украіны 12 лютага былі ўведзеныя санкцыі супраць пятага прэзідэнта Украіны, народнага дэпутата і бізнэсмена Пятра Парашэнкі, паведаміла выданне Forbes Ukraine са спасылкай на дзве дасведчаныя крыніцы, адна з якіх прысутнічала на пасяджэнні РНБА.
Пятро Парашэнка. Фота: AP Photo/Petr David Josek
Адна з крыніц Forbes мяркуе, што гаворка можа ісці пра «артыкул дзяржаўная здрада».
Афіцыйных паведамленняў пра гэта пакуль няма.
У сваім вячэрнім звароце прэзідэнт Украіны Уладзімір Зяленскі паведаміў, што сёння ён правёў пасяджэнне РНБА і што ягонае рашэнне будзе апублікаванае заўтра, 13 лютага. Пры гэтым ён не ўдакладніў, пра якое рашэнне ідзе гаворка.
Чытайце таксама:
Парашэнка расказаў, як Лукашэнка заклікаў яго выкарыстоўваць ягоны выбарчы досвед
Парашэнка пераблытаў амерыканскага палітыка Майка Джонсана са спеваком Майклам Джэксанам
Парашэнка заявіў, што мае намер удзельнічаць у наступных выбарах ва Украіне