Va Ukrainie ŭviali sankcyi suprać byłoha prezidenta Piatra Parašenki
Na pasiadžeńni Rady nacyjanalnaj biaśpieki i abarony Ukrainy 12 lutaha byli ŭviedzienyja sankcyi suprać piataha prezidenta Ukrainy, narodnaha deputata i biznesmiena Piatra Parašenki, paviedamiła vydańnie Forbes Ukraine sa spasyłkaj na dźvie daśviedčanyja krynicy, adna ź jakich prysutničała na pasiadžeńni RNBA.
Piatro Parašenka. Fota: AP Photo/Petr David Josek
Adna z krynic Forbes miarkuje, što havorka moža iści pra «artykuł dziaržaŭnaja zdrada».
Aficyjnych paviedamleńniaŭ pra heta pakul niama.
U svaim viačernim zvarocie prezident Ukrainy Uładzimir Zialenski paviedamiŭ, što siońnia jon pravioŭ pasiadžeńnie RNBA i što jahonaje rašeńnie budzie apublikavanaje zaŭtra, 13 lutaha. Pry hetym jon nie ŭdakładniŭ, pra jakoje rašeńnie idzie havorka.
Čytajcie taksama:
Parašenka raskazaŭ, jak Łukašenka zaklikaŭ jaho vykarystoŭvać jahony vybarčy dośvied
Parašenka pierabłytaŭ amierykanskaha palityka Majka Džonsana sa śpievakom Majkłam Džeksanam
Parašenka zajaviŭ, što maje namier udzielničać u nastupnych vybarach va Ukrainie