Па сённяшнім дні беларусы вызначалі, калі прыйдзе вясна
Сёння праваслаўныя, што трымаюцца юліянскага календара, адзначаць Грамніцы.
Католікі Грамніцы адзначалі 2 лютага (у Амерыцы так званы Дзень сурка, але амерыканскія прыкметы не спрацоўваюць для Еўропы)
Сёння Грамніцы адзначаюць праваслаўныя. Царкоўная назва свята — «Стрэчанне».
На Грамніцы ў цэрквах паляць свечкі. Іх называюць грамнічнымі, лічылася, што яны аберагалі хаты ад перуна і маланак.
Грамніцы — палова зіміцы, кажа народная мудрасць.
Па надвор'і на Грамніцы вызначалі, якая будзе вясна: «Як на Грамніцы певень нап’ецца вадзіцы, дык на Юр’я [6 мая] вол наесца травіцы». То-бок вясна будзе ранняй.
У Мінску зараз мінус 7°С, удзень будзе мінус 4°С, вечарам мінус 10°С. А ў наступныя дні стане яшчэ халадней.
У папярэднія гады прыкмета працавала.