Pa siońniašnim dni biełarusy vyznačali, kali pryjdzie viasna
Siońnia pravasłaŭnyja, što trymajucca julijanskaha kalendara, adznačać Hramnicy.
Katoliki Hramnicy adznačali 2 lutaha (u Amierycy tak zvany Dzień surka, ale amierykanskija prykmiety nie spracoŭvajuć dla Jeŭropy)
Siońnia Hramnicy adznačajuć pravasłaŭnyja. Carkoŭnaja nazva śviata — «Strečańnie».
Na Hramnicy ŭ cerkvach palać śviečki. Ich nazyvajuć hramničnymi, ličyłasia, što jany abierahali chaty ad pieruna i małanak.
Hramnicy — pałova zimicy, kaža narodnaja mudraść.
Pa nadvorji na Hramnicy vyznačali, jakaja budzie viasna: «Jak na Hramnicy pievień napjecca vadzicy, dyk na Jurja [6 maja] voł najesca travicy». To-bok viasna budzie rańniaj.
U Minsku zaraz minus 7°S, udzień budzie minus 4°S, viečaram minus 10°S. A ŭ nastupnyja dni stanie jašče chaładniej.
U papiarednija hady prykmieta pracavała.