У Беларусі засталося ўсяго сем прыватных школ
Раней толькі ў Мінску і вобласці было 50 прыватных школ.
Андрэй Іванец. Скрыншот відэа
Зараз у Беларусі працуе толькі сем прыватных устаноў адукацыі. Такую лічбу назваў міністр адукацыі Андрэй Іванец у эфіры тэлеканала СТБ.
Кіраўнік ведамства падкрэсліў, што неабходная ўпэўненасць у тым, што ва ўсіх установах адукацыі рэалізуецца адзіная адукацыйная праграма, якая адпавядае дзяржаўным стандартам.
Раней найбольшая колькасць прыватных школ была ў Мінску і Мінскай вобласці — каля 50. Але, паводле Іванца, толькі палова з іх да прыняцця закона аб ліцэнзаванні афіцыйна заяўлялі пра адукацыйную дзейнасць.
Сістэму ліцэнзавання прыватных школ і дзіцячых садкоў увялі ў Беларусі ў 2022 годзе.
Летам 2024-га Мінгарвыканкам паведаміў, што ніводная прыватная дашкольная ўстанова не здолела атрымаць ліцэнзію. Да зменаў у заканадаўстве ў Мінску працавала 5-6 такіх устаноў.