U Biełarusi zastałosia ŭsiaho siem pryvatnych škoł
Raniej tolki ŭ Minsku i vobłaści było 50 pryvatnych škoł.
Andrej Ivaniec. Skrynšot videa
Zaraz u Biełarusi pracuje tolki siem pryvatnych ustanoŭ adukacyi. Takuju ličbu nazvaŭ ministr adukacyi Andrej Ivaniec u efiry telekanała STB.
Kiraŭnik viedamstva padkreśliŭ, što nieabchodnaja ŭpeŭnienaść u tym, što va ŭsich ustanovach adukacyi realizujecca adzinaja adukacyjnaja prahrama, jakaja adpaviadaje dziaržaŭnym standartam.
Raniej najbolšaja kolkaść pryvatnych škoł była ŭ Minsku i Minskaj vobłaści — kala 50. Ale, pavodle Ivanca, tolki pałova ź ich da pryniaćcia zakona ab licenzavańni aficyjna zajaŭlali pra adukacyjnuju dziejnaść.
Sistemu licenzavańnia pryvatnych škoł i dziciačych sadkoŭ uviali ŭ Biełarusi ŭ 2022 hodzie.
Letam 2024-ha Minharvykankam paviedamiŭ, što nivodnaja pryvatnaja daškolnaja ŭstanova nie zdoleła atrymać licenziju. Da źmienaŭ u zakanadaŭstvie ŭ Minsku pracavała 5-6 takich ustanoŭ.