Арыштаваную армянскую блогерку вывезлі з Беларусі бізнэс-джэтам Віктара Лукашэнкі
Урадавы бізнес-джэт з бартавым нумарам EW-301PJ вылецеў з Мінска ў Ерэван сёння ў 04:01PM+03. На борце знаходзілася затрыманая ў Беларусі армянская блогерка Бэла (Роза Бабаханян), піша Reform.news.
Роза Бабаханян
Гэты бізнэс-джэт выкарыстоўваюць беларускія высокапастаўленыя чыноўнікі, а таксама сыны Лукашэнкі Віктар і Дзмітрый.
Пра затрыманне Бабаханян у Беларусі стала вядома 14 лютага. Блогер Аляксандр Лапшын паведамляў, што яна арыштаваная на 15 сутак і абвінавачваецца паводле пяці крымінальных артыкулаў — «Распальванне варожасці», «Прапаганда вайны», «Паклёп», «Абраза прадстаўніка ўлады», «Пагроза забойствам, прычыненнем цяжкіх цялесных пашкоджанняў».
У адным з апошніх эфіраў дзяўчына казала, што азербайджанцы пагражалі ёй арыштам у Беларусі і экстрадыцыяй, заяўляў Лапшын.
Раней стала вядома, што для развязання сітуацыі з затрыманай свае сувязі падключыў армянскі алігарх і кіраўнік партыі «Квітнеючая Арменія» Гагік Царукян. Ён узначальвае НАК Арменіі і мае цесныя сувязі з Віктарам Лукашэнкам.
Чытайце таксама:
Затрыманую ў Беларусі армянскую блогерку судзілі за «распаўсюд экстрэмізму»
У Беларусі затрымалі армянскую блогерку