У Будслаўскі касцёл вярнулі статую, пашкоджаную пры пажары
У Будслаўскі касцёл пасля рэстаўрацыі вярнулася фігура Езуса Журботнага. Яна адносіцца да першай паловы XVII стагоддзя. Пра вяртанне знакавай статуі пішуць на старонцы budslau у інстаграме, прыкладаючы здымак.
Фота: instagram.com/budslau
Падчас Вялікага посту статую Езуса Журботнага ўжо можна будзе ўбачыць у касцёле.
Пажар у нацыянальным санктуарыі ў Будславе адбыўся 11 мая 2021 года. У выніку яго абваліўся дах, а вада пашкодзіла сцены, падлогу і мэблю. Абраз Маці Божай Будслаўскай, Найсвяцейшы Сакрамэнт і іншую каштоўную маёмасць паспелі вынесці.
Першую імшу пасля пажару і рамонту ў Будславе правялі 31 снежня 2021 года. Аднаўленне святыні цяпер працягваецца.
Чытайце таксама:
У Будслаўскім касцёле раскрылі невядомыя раней роспісы
У Будславе прайшла традыцыйная начная працэсія са свечкамі ФОТАРЭПАРТАЖ