U Budsłaŭski kaścioł viarnuli statuju, paškodžanuju pry pažary
U Budsłaŭski kaścioł paśla restaŭracyi viarnułasia fihura Jezusa Žurbotnaha. Jana adnosicca da pieršaj pałovy XVII stahodździa. Pra viartańnie znakavaj statui pišuć na staroncy budslau u instahramie, prykładajučy zdymak.
Fota: instagram.com/budslau
Padčas Vialikaha postu statuju Jezusa Žurbotnaha ŭžo možna budzie ŭbačyć u kaściole.
Pažar u nacyjanalnym sanktuaryi ŭ Budsłavie adbyŭsia 11 maja 2021 hoda. U vyniku jaho abvaliŭsia dach, a vada paškodziła ścieny, padłohu i meblu. Abraz Maci Božaj Budsłaŭskaj, Najśviaciejšy Sakrament i inšuju kaštoŭnuju majomaść paśpieli vynieści.
Pieršuju imšu paśla pažaru i ramontu ŭ Budsłavie praviali 31 śniežnia 2021 hoda. Adnaŭleńnie śviatyni ciapier praciahvajecca.
Čytajcie taksama:
U Budsłaŭskim kaściole raskryli nieviadomyja raniej rośpisy
U Budsłavie prajšła tradycyjnaja načnaja pracesija sa śviečkami FOTAREPARTAŽ