Якія новыя перадачы і вядучыя з'явяцца на «Белсаце»?

Галоўная рэдактарка «Белсата» Аліна Коўшык у эфіры канала расказала, чаго чакаць у новым сезоне.

Аліна Коўшык

Галоўная прэм'ера веснавога сезона — «Раніца з Белсатам». Гэта праграма без палітыкі. Яна будзе выходзіць па раніцах у суботу і нядзелю, дзве гадзіны ў жывым эфіры. Вядучыя — Кацярына Раецкая і Дзяніс Дудзінскі, а таксама Святлана і Анатоль Шырвелі.

Запускаюць праграму «Карані праблемаў». Яе будзе весці Яўген Валошын. Там будуць шукаць вытокі сучасных палітычных праблем у гісторыі і сцэнары іх вырашэння.

Адновяць праграму «Ваяры», якая расказвае пра беларусаў, што змагаюцца на баку Украіны. У новым цыкле пакажуць не толькі ваяроў, але і валанцёраў. Будзе новая аўтарка перадачы.

Увечары ў жывым эфіры вяртаецца «Студыя Белсат». «Гэта будзе акумяляцыя аналітыкі, каментароў і меркаванняў у жывым эфіры», — анансавала Коўшык.

Праграмы беларускамоўнай рэдакцыі «Белсату» будуць транслявацца па спадарожніку паводле мінскага часу ў наступныя гадзіны:

• з 08:00 да 11:00,
• з 20:00 да 23:00,
• з 02:00 да 05:00.

Каментары да артыкула