Jakija novyja pieradačy i viadučyja źjaviacca na «Biełsacie»?

Hałoŭnaja redaktarka «Biełsata» Alina Koŭšyk u efiry kanała raskazała, čaho čakać u novym siezonie.

Alina Koŭšyk

Hałoŭnaja premjera viesnavoha siezona — «Ranica ź Biełsatam». Heta prahrama biez palityki. Jana budzie vychodzić pa ranicach u subotu i niadzielu, dźvie hadziny ŭ žyvym efiry. Viadučyja — Kaciaryna Rajeckaja i Dzianis Dudzinski, a taksama Śviatłana i Anatol Šyrvieli.

Zapuskajuć prahramu «Karani prablemaŭ». Jaje budzie vieści Jaŭhien Vałošyn. Tam buduć šukać vytoki sučasnych palityčnych prablem u historyi i scenary ich vyrašeńnia.

Adnoviać prahramu «Vajary», jakaja raskazvaje pra biełarusaŭ, što zmahajucca na baku Ukrainy. U novym cykle pakažuć nie tolki vajaroŭ, ale i vałancioraŭ. Budzie novaja aŭtarka pieradačy.

Uviečary ŭ žyvym efiry viartajecca «Studyja Biełsat». «Heta budzie akumialacyja analityki, kamientaroŭ i mierkavańniaŭ u žyvym efiry», — anansavała Koŭšyk.

Prahramy biełaruskamoŭnaj redakcyi «Biełsatu» buduć tranślavacca pa spadarožniku pavodle minskaha času ŭ nastupnyja hadziny:

• z 08:00 da 11:00,
• z 20:00 da 23:00,
• z 02:00 da 05:00.

Kamientary da artykuła