Ваюючы супраць Украіны, знік без вестак серыйны рабаўнік з Беларусі
50-гадовы Міхаіл Шалгун пайшоў на штурм у Луганскай вобласці — і не вярнуўся.
Радыё Свабода распавяло пра двух беларусаў, якія зніклі без вестак, ваюючы супраць Украіны.
Першы са зніклых — Міхаіл Шалгун. Яму 50 гадоў. Родам з Ушаччыны, з паміраючай вёскі Лутава.
Вялікай працоўнай біяграфіі Шалгун не мае. Затое, па звестках «Белпола», запомніўся шматлікімі крымінальнымі прыгодамі.
Міхаіл Шалгун. Фота з базы «Кіберпартызанаў», прадастаўленае BELPOL
Упершыню ён атрымаў крыміналку ў 1993 годзе, яшчэ падчас службы ў арміі — за хуліганства. Наступны раз яго судзілі за разбойны напад у 1995 годзе. З 2010 па 2012 ён зноўку сядзеў. Пасля папрацаваў два гады і сеў у 2013 за пяць эпізодаў рабаўніцтва, вызваліўся ў 2017 годзе. Паміж адсідкамі патроху падпрацоўваў.
Аб'ява пра яго знікненне з'явілася ў суполцы вайсковай часці 02511. Раіса Сычова з Выбарга піша, што Шалгун знаходзіўся ў складзе штурмавой групы і пайшоў на адно з заданняў у кірунку Маркаўкі (Луганская вобласць Украіны) З 29 студзеня 2025 года ён не выходзіць на сувязь.
Аб'ява ў суполцы. Міхаіл — крайні з правага боку
Чытайце таксама:
Украінцы ўзялі ў палон беларуса з Касцюковічаў, які ваяваў за Расію
Беларус, які ваяваў на баку Расіі, скардзіцца, што не можа звольніцца са службы і атрымаць выплаты