Vajujučy suprać Ukrainy, źnik bieź viestak sieryjny rabaŭnik ź Biełarusi
50-hadovy Michaił Šałhun pajšoŭ na šturm u Łuhanskaj vobłaści — i nie viarnuŭsia.
Radyjo Svaboda raspaviało pra dvuch biełarusaŭ, jakija źnikli bieź viestak, vajujučy suprać Ukrainy.
Pieršy sa źnikłych — Michaił Šałhun. Jamu 50 hadoŭ. Rodam z Ušaččyny, z pamirajučaj vioski Łutava.
Vialikaj pracoŭnaj bijahrafii Šałhun nie maje. Zatoje, pa źviestkach «Biełpoła», zapomniŭsia šmatlikimi kryminalnymi pryhodami.
Michaił Šałhun. Fota z bazy «Kibierpartyzanaŭ», pradastaŭlenaje BELPOL
Upieršyniu jon atrymaŭ kryminałku ŭ 1993 hodzie, jašče padčas słužby ŭ armii — za chulihanstva. Nastupny raz jaho sudzili za razbojny napad u 1995 hodzie. Z 2010 pa 2012 jon znoŭku siadzieŭ. Paśla papracavaŭ dva hady i sieŭ u 2013 za piać epizodaŭ rabaŭnictva, vyzvaliŭsia ŭ 2017 hodzie. Pamiž adsidkami patrochu padpracoŭvaŭ.
Abjava pra jaho źniknieńnie źjaviłasia ŭ supołcy vajskovaj čaści 02511. Raisa Syčova z Vybarha piša, što Šałhun znachodziŭsia ŭ składzie šturmavoj hrupy i pajšoŭ na adno z zadańniaŭ u kirunku Markaŭki (Łuhanskaja vobłaść Ukrainy) Z 29 studzienia 2025 hoda jon nie vychodzić na suviaź.
Abjava ŭ supołcy. Michaił — krajni z pravaha boku
Čytajcie taksama:
Ukraincy ŭziali ŭ pałon biełarusa z Kaściukovičaŭ, jaki vajavaŭ za Rasiju
Biełarus, jaki vajavaŭ na baku Rasii, skardzicca, što nie moža zvolnicca sa słužby i atrymać vypłaty