Ва Украіну прыйшоў першы мільярд даляраў з даходаў ад замарожаных расійскіх актываў
Ва Украіну паступілі першыя сродкі ад Вялікабрытаніі, забяспечаныя даходамі ад замарожаных расійскіх актываў. Прэм'ер-міністр Украіны Дзяніс Шмыгаль паведаміў пра атрыманне 752 мільёнаў фунтаў стэрлінгаў (каля 970 мільёнаў даляраў) у рамках ініцыятывы «Вялікай сямёркі» (G7).
«Дзякуй ураду Вялікабрытаніі і нашым партнёрам па G7 за механізм, які прымушае расійскія сродкі працаваць на Украіну. Разлічваем, што ўсе суверэнныя актывы РФ у будучыні будуць канфіскаваныя і перададзеныя на карысць нашай дзяржавы», — напісаў украінскі прэм'ер.
Сродкі, як дэкларуецца, будуць накіраваныя на ўмацаванне ўкраінскай абараназдольнасці.
Чытайце таксама:
У ЗША думаюць, як здымаць санкцыі з Расіі
Макрон: Канфіскацыя замарожаных расійскіх актываў супярэчыць міжнароднаму праву
Расія можа аддаць свае замарожаныя ў Еўропе актывы Украіне ў межах мірнай дамовы
ЕС і Украіна ўзгаднілі выплату 18,1 мільярда еўра за кошт замарожаных расійскіх актываў