Расія можа аддаць свае замарожаныя ў Еўропе актывы Украіне ў межах мірнай дамовы
Пра тое, што Расія можа аддаць Украіне свае замарожаныя еўрапейскія актывы на 300 мільярдаў долараў стала вядома агенцтву Reuters.
Журналісты Reuters атрымалі такую інфармацыю ад трох сваіх крыніц.
Па іх даных, сцэнарый з перадачай актываў абмяркоўваюць у Маскве. Згодна яму, Расія можа перадаць 300 мільярдаў сваіх актываў, якія замарожаны ў Еўропе, Украіне — у межах магчымага мірнага ўрэгулявання.
Пры гэтым Масква будзе настойваць на тым, каб частка гэтых грошай сышла на ўкраінскія тэрыторыі, якія кантралюе Расія.
Reuters не ўдалося высветліць, ці абмяркоўвалася ідэя выкарыстання замарожаных сродкаў паміж расійскімі і амерыканскімі прадстаўнікамі на сустрэчы ў Саудаўскай Аравіі.
Расія раней заяўляла, што планы выкарыстання гэтых сродкаў ва Украіне з'яўляюцца рабаваннем.
Вядучы аналітык кампаніі «Рэнесанс Капітал» Алег Кузьмін лічыць, што рознагалоссі паміж Злучанымі Штатамі і Еўропай, якая кантралюе большасць актываў, ускладняць адмену замарожвання.
«Гэта запатрабуе ад еўрапейскага боку поўнай падтрымкі цяперашняй пазіцыі ЗША, накіраванай на дыялог з Расіяй», — сказаў Кузьмін, назваўшы такі сцэнарый «вельмі аптымістычным».
Цяпер чытаюць
Каб не трапіць на Акрэсціна, мінчук збег жыць у лес — вось яго гісторыя5
Каментары