Беларуска папулярызуе альшанскі дыялект — паслухайце, як ён гучыць

Кацярына Андрусевіч нарадзілася ў Альшанах. Цяпер яна жыве ў Нідэрландах, расказваючы ў тыктоку пра цікавосткі жыцця ў эміграцыі. Пры гэтым большасць ролікаў Кацярыны выходзіць на яе родным альшанскім дыялекце.

@kate.flaw.less За давайте вопросы, которые вас интересуют о моей жизни) Буду рада ответить в видео формате! #реальнаяжизнь #блогснуля #влог #минивлог #мойдень #красотавокруг #цветы #нидерланды #belarusian #belarus #netherlands #dutch #беларусь #новостибеларуси #палессе #полесье #диалект #беларускаямова #беларусскийязык #беларусьсейчас #жизньвнидерландах #беларускавнидерландах #жизньвевропе #ольшаны #столинскийрайон #беларусы #ольшанка ♬ Stylish Upbeat Pop - StevieBMusic

Сярод іншага, Каця расказвае ў блогу пра стыль альшанак, называючы іх суперстылёвымі (нават у галёшах), і дзеліцца ўражаннямі ад спатканняў з мужчынамі-альшанцамі. Адно са спатканняў упэўніла яе ў тым, што яна не хоча больш сустракацца з мясцовымі.

«Я заўсёды ведала, што альшанскія хлопцы любяць паплявузгаць. І вось запрасіў мяне хлопец на спатканне, адзін раз схадзілі, два (ну, як спатканні — паездзілі з ім па розных сёлах). І вось на трэцім мы пацалаваліся — я зразумела, што ён мне, відаць, не пасуе. А пасля праз пару дзён сустракаю свайго суседа, які такімі ліпкімі фразамі спрабуе запытацца, што там з маім хлопцам. Карацей, я зразумела, што той [суседу] распавёў не толькі, што мы цалаваліся, а яшчэ і ого-го што. Пасля таго я альшанскім хлопцам не давяраю».

Яшчэ Кацярына ў блогу разбівае стэрэатып пра тое, што калгаснікі — гэта нешта ганебнае, чаго трэба саромецца.

«Мае дзядулі, бабулі, мой тата і нават я працавалі ў калгасе. Але чаму тыя, хто сумленна працаваў, пахаў зямлю і карміў гарадскіх, робяцца аб’ектам кпінаў?» — задаецца пытаннем дзяўчына. «Мы — сям’я калгаснікаў», — з гонарам транслюе Кацярына.

@kate.flaw.less Сил нет терпеть эти провокации блогеров ! #колхоз #деревня #беларусь #полесье #палессе #блогожизни #реальность #брестскаяобласть #жизньвнидерландах #жизньвевропе #ольшаны #блогольшанки #стильольшанки #ольшанский #диалект #трасянка #семья #родня #радзіма ♬ original sound - flawless.kate

Часам яна сама жартуе са сваіх вясковых традыцый.

@kate.flaw.less #семья #детсво #село #деревня #колхозница #ольшанка #ольшаны #столинскийрайон #беларусь ♬ Широка река - Надежда Кадышева & Ансамбль "Золотое кольцо"

«Навошта размаўляць з гэтым говарам, калі можна размаўляць нармальна?» — задаюць пытанне некаторыя каментатары. На што Каця адказвае, што можа яшчэ і па-англійску, і на італьянскай мове, але што значыць норма?

А ў відэа ніжэй Кацярына падзялілася альшанскімі словамі, якія сёння рэдка выкарыстоўваюцца: «кварта», «херша» і іншымі. А ў вас атрымаецца адгадаць іх значэнне?

@kate.flaw.less #палессе #беларусь #столинскийрайон #ольшаны #ольшанскиемлова #диалект #трасянки #белорусыговорят #жизньвнидерландах #мова #беларускаямова ♬ original sound - flawless.kate

У каментарах мяркуюць, што кварта — гэта кубак, херша — ліманад, а басколіць, напрыклад, «не песціць». Але пакуль што аўтарка не агучыла правільных адказаў.

Каментары да артыкула