Салігорцы рамантавалі дах і знайшлі спраўны «парабелум», які схавалі 60 гадоў таму
19.03.2025 / 16:57
У скрутку на гарышчы ляжаў легендарны пісталет 1940 года выпуску.
Скрыншот відэа МУС
У Салігорскім раёне падчас рамонту даху дома знайшлі пісталет сістэмы «Борхардт-Люгера», які быў выпушчаны ў 1940 годзе.
Іржавы «парабелум» у баявым стане ляжаў у скрутку разам з патронам. Па версіі сілавікоў, пісталет схавалі на даху пры будаўніцтве дома больш за 60 гадоў таму. Ягоных уладальнікаў ужо дзесяць гадоў як няма сярод жывых.
Салігорцы паведамілі пра знаходку ў міліцыю, сілавікі канфіскавалі пісталет і патрон.
«Парабелум» быў адным з самых папулярных пісталетаў у першай палове XX стагоддзя, яго актыўна выкарыстоўвалі падчас Першай і Другой сусветных войнаў.
Чытайце таксама:
Вясковец стрэліў сабе ў галаву, праспаў палову сутак — і выжыў
У Смаргоні двое падлеткаў паспрачаліся на стадыёне — скончылася стрэлам у вока