Будаўніка, які доўгі час жыў у Расіі, асудзілі ў Віцебску за палітыку. А цяпер абвясцілі «тэрарыстам»
20.03.2025 / 10:0
Суд над Максімам Старасценкам скончыўся месяц таму, але ягоная асоба стала вядомая толькі цяпер.
Максім Старасценка. Фота з ягонай старонкі Укантакце
Максіму Старасценку 37 гадоў. Ён з Віцебска. Некалькі гадоў Максім працаваў у Расіі, збольшага ў будаўнічых арганізацыях. Жыў ён у Маскве.
Хлопец займаецца спортам і любіць падарожнічаць. Таксама цікавіцца музыкай розных стыляў, часта хадзіў на канцэрты.
Апошні раз ён быў анлайн у верасні 2024 года.
Максіма асудзілі 20 лютага 2025 года ў Віцебскім абласным судзе. Яго вінавацілі ў «распальванні варожасці» (ч. 1 арт. 130 КК) і «навучанні або падрыхтоўцы асоб да ўдзелу ў масавых беспарадках або фінансаванні ці іншым матэрыяльным забеспячэнні масавых беспарадкаў» (ч. 3 арт. 293 КК). Яму пагражала да пяці гадоў зняволення.
У выніку Старасценку прысудзілі тэрмін у калоніі, але невядома, які канкрэтна.
А цяпер КДБ уключыў хлопца ў спіс асобаў, датычных да тэрарыстычнай дзейнасці.
Чытайце таксама:
Распавядаем, што за новую зброю ўжылі ў Сербіі для разгону пратэстаў. Яна ўжо ёсць у Расіі
Яшчэ аднаго беларуса дэпартуюць з Расіі за ўдзел у пратэстах. Яго проста зараз вязуць да мяжы
Беларускі журналіст, якога ледзь не выслалі з Еўропы дадому, атрымаў статус уцекача ў Польшчы