Бондарава дамаглася адмены купальскага фестывалю ў Дудутках
Даносчыца Вольга Бондарава напісала ў сацсетках пра «адбіццё чарговай атакі супраць хрысціянскіх асноў нашага народа». Разам з аднадумцамі яна дамаглася адмены летняга фестывалю «Свята сонца», які з 2016 года традыцыйна праводзіцца на Купалле ў Дудутках пад Мінскам.
Падчас правядзення аднаго з мінулагодніх «Свят сонца»
Бондарава называе фестываль «неаязычніцкім шабашам са свастыкай і рунамі» і хваліцца, што пасведчанне на права арганізацыі і правядзення мерапрыемства, выдадзенае Пухавіцкаму раённаму цэнтру культуры, анулявана.
Больш таго — артыкул пра фестываль выдалілі нават з сайта дзяржагенцтва БелТА: яго прыраўнялі да «рэкламы паслуг эзатэрыкаў, шаманаў, варажбітак і іншага інфацыганства».
Фестываль «Свята сонца» праводзіўся ў музейным комплексе «Дудуткі» з 2016 года. У гэтым годзе ён быў запланаваны на 21 чэрвеня. Анансаваліся шоу агню і піратэхнікі, open-air канцэрт, купальскае вогнішча і іншыя традыцыйныя забавы.
Чытайце таксама:
Пасля нападак праўладных актывістаў у Мінску закрылі выставу «Беларускі бестыярый»
«Сілавікам рэспект. Сялусе ганьба». Бондарава прыдумала мянушку для нявесткі Лукашэнкі
Мукавозчык: Бондарава задрала ўжо
Апошняе месца працы даносчыцы Бондаравай — кругласутачная саўна. Але пасада невядомая