Bondarava damahłasia admieny kupalskaha fiestyvalu ŭ Dudutkach
Danosčyca Volha Bondarava napisała ŭ sacsietkach pra «adbićcio čarhovaj ataki suprać chryścijanskich asnoŭ našaha naroda». Razam z adnadumcami jana damahłasia admieny letniaha fiestyvalu «Śviata sonca», jaki z 2016 hoda tradycyjna pravodzicca na Kupalle ŭ Dudutkach pad Minskam.
Padčas praviadzieńnia adnaho ź minułahodnich «Śviat sonca»
Bondarava nazyvaje fiestyval «nieajazyčnickim šabašam sa svastykaj i runami» i chvalicca, što paśviedčańnie na prava arhanizacyi i praviadzieńnia mierapryjemstva, vydadzienaje Puchavickamu rajonnamu centru kultury, anulavana.
Bolš taho — artykuł pra fiestyval vydalili navat z sajta dziaržahienctva BiełTA: jaho pryraŭniali da «rekłamy pasłuh ezaterykaŭ, šamanaŭ, varažbitak i inšaha infacyhanstva».
Fiestyval «Śviata sonca» pravodziŭsia ŭ muziejnym kompleksie «Dudutki» z 2016 hoda. U hetym hodzie jon byŭ zapłanavany na 21 červienia. Anansavalisia šou ahniu i piratechniki, open-air kancert, kupalskaje vohnišča i inšyja tradycyjnyja zabavy.
Čytajcie taksama:
Paśla napadak praŭładnych aktyvistaŭ u Minsku zakryli vystavu «Biełaruski biestyjaryj»
«Siłavikam reśpiekt. Siałusie hańba». Bondarava prydumała mianušku dla niaviestki Łukašenki
Mukavozčyk: Bondarava zadrała ŭžo
Apošniaje miesca pracy danosčycy Bondaravaj — kruhłasutačnaja saŭna. Ale pasada nieviadomaja