З-за пацяплення ў Мінскай вобласці будуць змяншаць тэмпературу ацяплення
Сіноптыкі прагназуюць істотнае пацяпленне.
У сувязі з гэтым сістэмы цеплазабеспячэння прадпрыемстваў ЖКГ Мінскай вобласці пераводзяцца на працу ў рэжыме «пратоплівання» — работа будзе ажыццяўляцца са зніжэннем параметраў цепланосьбіта згодна з тэмпературнымі графікамі, піша Kraj.by.
Гэта азначае, што цяпло працягне паступаць у батарэі ў кватэрах жыхароў, але яго тэмпература стане крыху ніжэйшай.
Пры тэмпературы паветра ў жылым памяшканні ніжэй за +18°С спажыўцам неабходна звяртацца ў арганізацыю жыллёва-камунальнай гаспадаркі праз службу 115.