Z-za paciapleńnia ŭ Minskaj vobłaści buduć źmianšać tempieraturu aciapleńnia
Sinoptyki prahnazujuć istotnaje paciapleńnie.
U suviazi z hetym sistemy ciepłazabieśpiačeńnia pradpryjemstvaŭ ŽKH Minskaj vobłaści pieravodziacca na pracu ŭ režymie «pratoplivańnia» — rabota budzie ažyćciaŭlacca sa źnižeńniem paramietraŭ ciepłanośbita zhodna z tempieraturnymi hrafikami, piša Kraj.by.
Heta aznačaje, što ciapło praciahnie pastupać u batarei ŭ kvaterach žycharoŭ, ale jaho tempieratura stanie krychu nižejšaj.
Pry tempieratury pavietra ŭ žyłym pamiaškańni nižej za +18°S spažyŭcam nieabchodna źviartacca ŭ arhanizacyju žyllova-kamunalnaj haspadarki praz słužbu 115.