У Мазырскім раёне трактарыст знайшоў у полі аленяня і забраў сабе. У ягонай жонкі канфіскавалі машыну
Трактарыст падабраў у полі аленяня, але пра гэта даведалася прыродаахова.
Скрыншот відэа ТРК «Мазыр»
Работнік аднаго з прадпрыемстваў Мазырскага раёна ў полі каля вёскі Мялешкавічы знайшоў малое аленяня. У ахову прыроды ён паведамляць не стаў i вырашыў забраць жывеліну сабе.
На трактары мужчына адвёз аленяня да сябе на працу, а адтуль на машыне жонкі забраў жывёліну дахаты. Праз некалькі дзён трактарыст перавёз яе ў іншую вёску, паведамляе ТРК «Мазыр».
Але ахова прыроды даведалася, што мужчына возіць па раёне жывёліну. Аленяня ў трактарыста адабралі, супраць мужчыны распачалі крымінальную справу аб незаконным транспартаванні жывёлы.
Суд прызначыў трактарысту штраф у 2100 рублёў і канфіскаваў машыну ягонай жонкі, на якой ён возіў аленяня.
Чытайце таксама:
У кітайскіх рэстаранах замест бараніны і ялавічыны могуць падаваць мяса янотаў і ліс