Да гусенічнай машыны, якая затанула з амерыканскімі салдатамі на палігоне ў Літве, удалося прымацаваць другі трос
Сёння раніцай павінны пачацца работы па выцягванні тэхнікі.
Фота: Літоўская армія
У нядзелю вадалазы прымацавалі другі трос да гусенічнай машыны, якая затанула 25 сакавіка ў балоце на палігоне ў Падброддзі, паведамляе LRT са спасылкай на Камандаванне Узброеных сіл ЗША ў Еўропе і Афрыцы.
«Цяпер, калі другі трос ужо замацаваны, «Геркулес» можна стабілізаваць, каб ён яшчэ глыбей не пагрузіўся ў балота», — гаворыцца ў паведамленні на старонцы Камандавання.
Паводле амерыканскага боку, работы па выцягванні тэхнікі мусяць пачацца сёння раніцай.
Прагназуецца, што гэты працэс зойме шмат часу і запатрабуе значных высілкаў, бо мясцовасць вакол тарфяніка з'яўляецца складанай. Аднак гэта не спыніць выратавальнікаў.
Чытайце таксама:
Першая спроба вадалазаў дабрацца да патанулай машыны ў Падброддзі аказалася няўдалай
На палігоне ў Літве знайшлі дакладнае месцазнаходжанне затанулай машыны з амерыканскімі вайскоўцамі