Які аклад будзе атрымліваць першы пасол пры Святым Пасадзе ў Ватыкане
Тыдзень таму Юрый Амбразевіч, які займаў пасаду намесніка міністра замежных спраў, быў прызначаны надзвычайным і паўнамоцным паслом Беларусі пры (Ватыкане).
Юрый Амбразевіч. Фота: Miguela Xuereb / AP
Да гэтага пасольства Беларусі ў Ватыкане не было — з 2002 года функцыю прадстаўніка ў Ватыкане па сумяшчальніцтве выконваў Сяргей Алейнік. Цяпер ёсць. Які ж аклад будзе ў дыпламата на такой пасадзе?
Урад пастановай № 193 ад 1 красавіка зацвердзіў памер службовага акладу пасла Беларусі пры Святым Пасадзе. Згодна з дакументам, памер службовага акладу амбасадара складзе 3470 еўра.
Гэта не самы высокі памер. Напрыклад, пасол у Японіі атрымлівае 4080 еўра. Але і не самы малы. Аклад пасла ў Польшчы — 2960 еўра.