Сілавікі пайшлі па агенцтвах нерухомасці. Былі затрыманні кіраўнікоў
У Беларусі прайшлі масавыя вобшукі ў агенцтвах нерухомасці, пра гэта Tochka.by распавялі адразу тры крыніцы, ніяк не звязаныя адна з адной.
Ілюстрацыйнае фота «Люстэрка»
Паводле інфармацыі адной з крыніц, знаёмай з сітуацыяй, рэйды адбываліся ў аўторак, 8 красавіка, адначасова ў 10 агенцтвах нерухомасці. Як удакладняецца, былі затрыманні, у тым ліку кіраўнікоў.
Яшчэ адзін з гульцоў рынку, чыя кампанія не трапіла ў поле зроку сілавікоў, у прыватнай размове адзначыў, што яму вядома пра вобшукі як мінімум у шасці агенцтвах. З чым яны звязаныя — пакуль можна толькі здагадвацца.
Трэцяя крыніца пацвердзіла вобшукі, дадаўшы, што яны праходзілі не толькі ў сталіцы, але і ў рэгіёнах. Пры гэтым ён падкрэсліў, што ў поле зроку сілавых структур трапілі не буйныя кампаніі, а сярэднія гульцы рынку.
Tochka.by спрабавалі атрымаць інфармацыю ў сілавых ведамстваў. Пакуль ніхто афіцыйна не пацвярджае фактаў вобшукаў, затрыманняў і нічога не каментуе.