Siłaviki pajšli pa ahienctvach nieruchomaści. Byli zatrymańni kiraŭnikoŭ
U Biełarusi prajšli masavyja vobšuki ŭ ahienctvach nieruchomaści, pra heta Tochka.by raspaviali adrazu try krynicy, nijak nie źviazanyja adna z adnoj.
Ilustracyjnaje fota «Lusterka»
Pavodle infarmacyi adnoj z krynic, znajomaj ź situacyjaj, rejdy adbyvalisia ŭ aŭtorak, 8 krasavika, adnačasova ŭ 10 ahienctvach nieruchomaści. Jak udakładniajecca, byli zatrymańni, u tym liku kiraŭnikoŭ.
Jašče adzin z hulcoŭ rynku, čyja kampanija nie trapiła ŭ pole zroku siłavikoŭ, u pryvatnaj razmovie adznačyŭ, što jamu viadoma pra vobšuki jak minimum u šaści ahienctvach. Z čym jany źviazanyja — pakul možna tolki zdahadvacca.
Treciaja krynica paćvierdziła vobšuki, dadaŭšy, što jany prachodzili nie tolki ŭ stalicy, ale i ŭ rehijonach. Pry hetym jon padkreśliŭ, što ŭ pole zroku siłavych struktur trapili nie bujnyja kampanii, a siarednija hulcy rynku.
Tochka.by sprabavali atrymać infarmacyju ŭ siłavych viedamstvaŭ. Pakul nichto aficyjna nie paćviardžaje faktaŭ vobšukaŭ, zatrymańniaŭ i ničoha nie kamientuje.