БЕЛ Ł РУС

Лукашэнка патлумачыў, чаму бізнэсу нельга гуляцца з цэнамі

12.04.2025 / 14:6

Nashaniva.com

Аляксандр Лукашэнка, адказваючы на пытанні журналістаў падчас рэспубліканскага суботніка, патлумачыў, чаму бізнэсу нельга гуляцца з цэнамі, піша БелТА.

Фота: БелТА

Лукашэнка заявіў, што ў Беларусі мудра паступілі, калі ўзяліся за цэнаўтварэнне з мэтай выпрацаваць формулу справядлівай цаны. «Да чаго гэта прывяло? Перш за ўсё нашы вытворцы, асабліва вельмі разумныя бізнесмены, зразумелі, што працэс пад кантролем, гуляцца нельга — спытаюць, а то і пасадзяць, шчыра кажучы. Таму, хлопцы, давайце ў гэтай сітуацыі спакойна разам выпрацуем справядлівыя паводзіны на рынку», — сказаў ён.

Аляксандр Лукашэнка звярнуў увагу, што такі падыход зусім не накіраваны супраць нейкіх відаў бізнесу і мэта «згубіць» іх не ставілася. Бо прыватны сектар фармуе значную долю бюджэту. У Мінску, напрыклад, гэта парадку паловы бюджэту сталіцы, а па краіне — каля 40%.

«Я не хачу, каб мы згубілі бізнэсменаў, — сказаў Лукашэнка. — Навошта забіваць курку, якая нясе залатыя яйкі? Я ж гэта цудоўна разумею. Таму я хачу, каб людзі займаліся прадпрымальніцтвам, нешта стваралі, тварылі і г.д., але не перашкаджайце іншым. Не выцягвайце апошняе з тых, хто стварыў нам гэту краіну, таго пакалення, якое сёння на пенсіі, настаўнікаў, дактароў…» — падкрэсліў ён.

Чытайце таксама:

Лукашэнка: Украіне ў ЕС няма чаго рабіць. Чаго яна туды лезе?

Лукашэнка пракаментаваў знікненне Анжалікі Мельнікавай

Каментары да артыкула