БЕЛ Ł РУС

Беларус прытуліў парася дзіка, цяпер яны не расстаюцца

12.04.2025 / 21:58

Nashaniva.com

Гісторыя незвычайнага сяброўства пачалася выпадкова. Улетку Ігар адправіўся ў лес, каб дазняць чарговы ролік для свайго канала пра выжыванне ў дзікай прыродзе. Вярнуўся ж дахаты з малым дзікім парасём, піша «Анлайнер».

Займаючыся сваімі справамі, Ігар раптам пачуў шоргат у траве — перад ім з'явіліся два маленькія парасяці. Адно ўцякло, а другое, збіўшыся з ног, наляцела проста на мужчыну.

«Я ўзяў яго дадому, абагрэў. Шукаў ягоную маці, але так і не знайшоў. Яша (так назвалі дзіка) быў зусім худзенькі, маленькі. Я не ведаў, чым карміць, і даў яму грэчку — проста таму, што сам еў яе ў той дзень», — успамінае блогер.

Хоць Яша выглядае як свойская жывёліна, інстынкты дзікага звера праяўляюцца рэгулярна: перакапаная зямля на ўчастку, пастаянныя пошукі арэхаў і жалудоў у лесе, а галоўнае — любоў да валяння ў гразі.

@brestnovosti1 Белорус приютил дикого поросенка #брест #бресткаяобласть #беларусь #новостибеларуси #беларусьновости #белорус ♬ Epic Music(863502) - Draganov89

У Яшы нават ёсць свая лясная хаціна, куды яны з гаспадаром часам заходзяць перачакаць дождж або проста папіць гарбаты. А пакуль ён працягвае бегаць за сваім «прыёмным бацькам» і радаваць гледачоў.

Чытайце таксама:

Жыхары ЖК пад Мінскам усім кварталам ратавалі рэдкую яшчарку. Аказалася, гэта была цацачная

Пад Магілёвам жанчына ўратавала з падпаленай травы зайчаня ВІДЭА

У Мазырскім раёне трактарыст знайшоў у полі аленяня і забраў сабе. У ягонай жонкі канфіскавалі машыну

У Гродне патлумачылі, чаму лісы сталі часцей заходзіць у горад. Ці шмат сярод іх шалёных?

Каментары да артыкула