Biełarus prytuliŭ parasia dzika, ciapier jany nie rasstajucca

Historyja niezvyčajnaha siabroŭstva pačałasia vypadkova. Uletku Ihar adpraviŭsia ŭ les, kab daźniać čarhovy rolik dla svajho kanała pra vyžyvańnie ŭ dzikaj pryrodzie. Viarnuŭsia ž dachaty z małym dzikim parasiom, piša «Anłajnier».

Zajmajučysia svaimi spravami, Ihar raptam pačuŭ šorhat u travie — pierad im źjavilisia dva maleńkija parasiaci. Adno ŭciakło, a druhoje, źbiŭšysia z noh, nalacieła prosta na mužčynu.

«Ja ŭziaŭ jaho dadomu, abahreŭ. Šukaŭ jahonuju maci, ale tak i nie znajšoŭ. Jaša (tak nazvali dzika) byŭ zusim chudzieńki, maleńki. Ja nie viedaŭ, čym karmić, i daŭ jamu hrečku — prosta tamu, što sam jeŭ jaje ŭ toj dzień», — uspaminaje błohier.

Choć Jaša vyhladaje jak svojskaja žyviolina, instynkty dzikaha źviera prajaŭlajucca rehularna: pierakapanaja ziamla na ŭčastku, pastajannyja pošuki arechaŭ i žałudoŭ u lesie, a hałoŭnaje — luboŭ da valańnia ŭ hrazi.

@brestnovosti1 Biełorus prijutił dikoho porosienka #briest #briestkajaobłasť #biełaruś #novostibiełarusi #biełaruśnovosti #biełorus ♬ Epic Music(863502) - Draganov89

U Jašy navat jość svaja lasnaja chacina, kudy jany z haspadarom časam zachodziać pieračakać doždž abo prosta papić harbaty. A pakul jon praciahvaje biehać za svaim «pryjomnym baćkam» i radavać hledačoŭ.

Kamientary da artykuła