Лукашэнка зноў паабяцаў беларусам «асабліва складаны» год
У часы, калі ў свеце назіраюцца турбулентнасць і хаос, беларусам трэба згуртавацца і прайсці гэта, заявіў Аляксандр Лукашэнка, наведваючы на Вялікдзень храм у Талачыне.
«Я ўжо казаў у мінулы раз, у Божае Нараджэнне, што гэта няпростыя гады, асабліва гэты год. Нам трэба мабілізавацца, згуртавацца і прайсці іх. Турбулентнасць, хаос, блытаніна ў свеце велізарныя», — сказаў Аляксандр Лукашэнка.
Як кажа Лукашэнка, «улады імкнуцца зберагчы Беларусь і беларускі народ ад гэтага хаосу».
«Але гады вельмі складаныя, вельмі цяжкія, асабліва ва ўмовах санкцый для нашай эканомікі. Эканоміка ў аснове ўсяго», — папужаў Лукашэнка.
Ён расказаў, што, пад'язджаючы да храма, абмяркоўваў са старшынёй райвыканкама работу Талачынскага раёна.
«Я заўважыў, што тыя, каму мы нямала дапамагалі, дрэнна працуюць. Таму — у царкве не хлусяць — павінен вам прама сказаць: гэты год будзе вельмі сур'ёзны ў плане навядзення парадку ў нашай краіне», — сказаў ён.
«Рыхтуйся да вельмі сур'ёзных кантрольных праверак», — перадаў Лукашэнка «інсайдарскую» інфармацыю рэгіянальным уладам.