Łukašenka znoŭ paabiacaŭ biełarusam «asabliva składany» hod
U časy, kali ŭ śviecie nazirajucca turbulentnaść i chaos, biełarusam treba zhurtavacca i prajści heta, zajaviŭ Alaksandr Łukašenka, naviedvajučy na Vialikdzień chram u Tałačynie.
«Ja ŭžo kazaŭ u minuły raz, u Božaje Naradžeńnie, što heta niaprostyja hady, asabliva hety hod. Nam treba mabilizavacca, zhurtavacca i prajści ich. Turbulentnaść, chaos, błytanina ŭ śviecie vielizarnyja», — skazaŭ Alaksandr Łukašenka.
Jak kaža Łukašenka, «ułady imknucca źbierahčy Biełaruś i biełaruski narod ad hetaha chaosu».
«Ale hady vielmi składanyja, vielmi ciažkija, asabliva va ŭmovach sankcyj dla našaj ekanomiki. Ekanomika ŭ asnovie ŭsiaho», — papužaŭ Łukašenka.
Jon raskazaŭ, što, padjazdžajučy da chrama, abmiarkoŭvaŭ sa staršynioj rajvykankama rabotu Tałačynskaha rajona.
«Ja zaŭvažyŭ, što tyja, kamu my niamała dapamahali, drenna pracujuć. Tamu — u carkvie nie chłusiać — pavinien vam prama skazać: hety hod budzie vielmi surjozny ŭ płanie naviadzieńnia paradku ŭ našaj krainie», — skazaŭ jon.
«Rychtujsia da vielmi surjoznych kantrolnych pravierak», — pieradaŭ Łukašenka «insajdarskuju» infarmacyju rehijanalnym uładam.