Адбываецца дэтанацыя боепрыпасаў на складзе расійскай арміі ва Уладзімірскай вобласці
Імаверна, гэта вынік удару, нанесенага УСУ па вайсковым складзе, размешчаным у Кіржачскім раёне Уладзімірскай вобласці.
Скрыншот з відэа
У мясцовых каналах і пабліках з'явіліся відэа дыму з месца выбуху. Тэлеграм-канал «Осторожно, новости» сцвярджае, што людзей эвакуююць з пасёлка Барсава і адзначае, што побач знаходзіцца арсенал ракетна-артылерыйскага ўпраўлення Мінабароны Расіі. Траса з боку Масквы ў Кіржач перакрытая.
Украінскі канал Exilenova+ таксама сцвярджае, што выбух адбыўся ў 51-м арсенале Галоўнага ракетна-артылерыйскага ўпраўлення Мінабароны, які, паводле звестак канала, удзельнічаў у ланцужку паставак вайсковых грузаў з Беларусі.
Па словах губернатара Уладзімірскай вобласці Аляксандра Аўдзеева, на месцы працуюць адказныя службы.
«Магутны выбух у пасёлку Барсава ва Уладзімірскай вобласці. Прычыны ўдакладняюцца. У неба падымаецца слуп густога дыму, да месца едуць оперслужбы», — заявіў ён.
Больш падрабязную інфармацыю ён паабяцаў паведаміць пазней.
Чытайце таксама:
Зяленскі прапануе Расіі падоўжыць забарону на дальнабойныя ўдары на 30 дзён
Украінскія дроны атакавалі расійскую вайсковую часць, якую абвінавачваюць ва ўдары па Сумах
Ракета «Барс»: што вядома пра новую ўкраінскую распрацоўку і ў чым яе галоўная перавага