Adbyvajecca detanacyja bojeprypasaŭ na składzie rasijskaj armii va Uładzimirskaj vobłaści
Imavierna, heta vynik udaru, naniesienaha USU pa vajskovym składzie, raźmieščanym u Kiržačskim rajonie Uładzimirskaj vobłaści.
Skrynšot ź videa
U miascovych kanałach i pablikach źjavilisia videa dymu ź miesca vybuchu. Telehram-kanał «Ostorožno, novosti» śćviardžaje, što ludziej evakujujuć z pasiołka Barsava i adznačaje, što pobač znachodzicca arsienał rakietna-artyleryjskaha ŭpraŭleńnia Minabarony Rasii. Trasa z boku Maskvy ŭ Kiržač pierakrytaja.
Ukrainski kanał Exilenova+ taksama śćviardžaje, što vybuch adbyŭsia ŭ 51-m arsienale Hałoŭnaha rakietna-artyleryjskaha ŭpraŭleńnia Minabarony, jaki, pavodle źviestak kanała, udzielničaŭ u łancužku pastavak vajskovych hruzaŭ ź Biełarusi.
Pa słovach hubiernatara Uładzimirskaj vobłaści Alaksandra Aŭdziejeva, na miescy pracujuć adkaznyja słužby.
«Mahutny vybuch u pasiołku Barsava va Uładzimirskaj vobłaści. Pryčyny ŭdakładniajucca. U nieba padymajecca słup hustoha dymu, da miesca jeduć opiersłužby», — zajaviŭ jon.
Bolš padrabiaznuju infarmacyju jon paabiacaŭ paviedamić paźniej.
Čytajcie taksama:
Zialenski prapanuje Rasii padoŭžyć zabaronu na dalnabojnyja ŭdary na 30 dzion
Ukrainskija drony atakavali rasijskuju vajskovuju čaść, jakuju abvinavačvajuć va ŭdary pa Sumach
Rakieta «Bars»: što viadoma pra novuju ŭkrainskuju raspracoŭku i ŭ čym jaje hałoŭnaja pieravaha