Трамп раскрытыкаваў Зяленскага за заяву, што Украіна ніколі не прызнае Крым расійскім
Прэзідэнт ЗША Дональд Трамп у сваёй сацсетцы Truth Social жорстка выказаўся пра зробленую напярэдадні заяву прэзідэнта Украіны Уладзіміра Зяленскага адносна таго, што Украіна не можа пагадзіцца з афіцыйным прызнаннем Крыма часткай Расіі, бо гэта супярэчыць украінскай Канстытуцыі.
Дональд Трамп. Фота: Anna Moneymaker / Getty Images
«Такія правакацыйныя заявы Зяленскага толькі ўскладняюць магчымасць урэгулявання гэтай вайны. Яму няма чым выхваляцца! Сітуацыя для Украіны крытычная — ён можа выбраць мір ці працягваць барацьбу яшчэ тры гады, перш чым страціць усю краіну.
Я не маю ніякага дачынення да Расіі, але вельмі хачу спыніць марную смерць у сярэднім пяці тысяч расійскіх і ўкраінскіх салдат кожны тыдзень. Сённяшняя заява Зяленскага толькі падоўжыць «крывавае поле бою», а гэтага ніхто не хоча!
Мы вельмі блізкія да пагаднення, але чалавеку, які «гуляе без казыроў», ужо даўно пара зразумець гэта. Я гатовы дапамагчы Украіне і Расіі выбрацца з гэтага поўнага і татальнага бязладдзя, якога ніколі б не было, калі б я быў прэзідэнтам!», — напісаў Дональд Трамп.
Чытайце таксама:
Перамовы па Украіне ў Лондане скасавалі
У Дзярждэпартаменце ЗША будуць радыкальна скарачаць структуры, занятыя правамі чалавека
Пуцін прапанаваў спыніць канфлікт па цяперашняй лініі фронту — Financial Times