У Гродне 16-гадовую школьніцу асудзілі на 10 гадоў па артыкуле аб незаконным абароце наркотыкаў
Суд Кастрычніцкага раёна Гродна прысудзіў вучаніцу адной з мясцовых школ 2009 года нараджэння да 10 гадоў выхаваўчай калоніі па артыкуле аб незаконным абароце наркотыкаў (ч. 4 арт. 328 КК), піша Белта.
Фота ілюстрацыйнае
Суд адбыўся яшчэ ў кастрычніку 2024 года. Дзяўчынка знайшла аб'яву аб падпрацоўцы ў месенджары, а куратар наркамаркета даў ёй заданне — раскласці наркотык у схованкі. Ужо праз гадзіну школьніцу затрымалі.
Усяго ў 2024 годзе ў Гродзенскай вобласці па артыкуле аб незаконным абароце наркотыкаў асудзілі семярых непаўналетніх. Вядома, што двух з іх таксама прысудзілі да 10 гадоў калоніі.
Чытайце таксама:
Міліцыя прапануе, каб амністыя закранула амаль усіх асуджаных за наркотыкі
Французскі турыст завозіў у Беларусь гашыш у шкарпэтцы
У Варшаве па падазрэнні ў захоўванні наркотыкаў затрымалі трох беларусаў