Трактарыст з Лельчыцкага раёна вывез з працы 2,5 тоны металу
49-гадовы мужчына з вёскі Прыбалавічы Лельчыцкага раёна працаваў трактарыстам на мясцовым сельгаспрадпрыемстве. На працы ён збіраў металічныя прадметы і адвозіў іх дадому на працоўным транспарце.
У пэўны момант на лом чорнага металу, які захоўваўся ў двары трактарыста і сярод якога былі часткі сельгастэхнікі, звярнуў увагу мясцовы ўчастковы.
Цяпер на вяскоўца завялі крымінальную справу за крадзеж — агульная вага выкрадзенага склала 2540 кілаграмаў. Метал канфіскавалі і вярнулі прадпрыемству.
Чытайце таксама:
На польска-беларускай мяжы затрымалі грамадзяніна Германіі на скрадзеным аўтамабілі