Пратасевіч усё ж такі знайшоў новую працу
Раман Пратасевіч паведаміў у сваім тэлеграм-канале, што яму ўдалося пераадолець раней узніклыя праблемы і працаўладкавацца. Сёння быў першы працоўны дзень.
Раман Пратасевіч. Фота ілюстрацыйнае
Праца, якую знайшоў Пратасевіч — велакур'ер «у адным папулярным сэрвісе».
З непрывычкі яна пакуль што даецца няпроста:
«Адпрацаваў усяго 4 гадзіны, але ніжняя частка цела проста адвальваецца».
Але затое можна будзе зменшыць нагрузкі ў трэнажорнай зале.
Раней Пратасевіч пісаў, што пасля звальнення з працы зваршчыкам на Мінскім электратэхнічным заводзе імя Казлова з новым працаўладкаваннем у яго ўзніклі немалыя праблемы: адмовы атрымліваў «літаральна ўсюды»:
«Гэта, мякка кажучы, раздушвае. Я не разумею, што мне рабіць, дзе мне працаваць, я адчуваю, што ў мяне няма літаральна ніякіх перспектыў, і я літаральна нікому не патрэбен», — прыйшоў тады да высновы раней апазіцыйны, а цяпер праўладны блогер.
Чытайце таксама:
Сцяпан Пуціла: Здаецца, Пратасевіч робіць нават крыху больш, чым ад яго патрабавалася
Пратасевіч: У мяне няма ніякіх перспектыў, я нікому не патрэбен
Раман Пратасевіч упершыню за месяц паказаўся людзям, але ў дзіўным выглядзе
Уладзімір Чудзянцоў выйшаў на свабоду і сустрэўся з Пратасевічам