У Смаргоні мінакі выцягнулі з вады шасцігадовую дзяўчынку
Яна паслізнулася на бетонным схіле і трымалася за агароджу, каб не патануць.
Оксна ў Смаргоні.
Пра здарэнне паведамілі ў МНС.
Інцыдэнт адбыўся ў гарадскім парку: двое мужчын, прагульваючыся ўздоўж берага ракі Оксна, убачылі ў вадзе дзіця. Не разважаючы, адзін з іх кінуўся на дапамогу дзяўчынцы, у той час як другі выклікаў брыгаду хуткай дапамогі. Мужчыны выцягнулі дзіця на бераг і перадалі медыкам, якія шпіталізавалі выратаваную дзяўчынку.
Высветлілася, што вучаніца першага класа, вяртаючыся дадому праз парк, вырашыла спусціцца да вады, але паслізнулася на бетонным схіле і ўпала ў ваду. Цячэнне аднесла яе да агароджы, за якую яна трымалася да прыбыцця дапамогі.