U Smarhoni minaki vyciahnuli z vady šaścihadovuju dziaŭčynku
Jana paśliznułasia na bietonnym schile i trymałasia za aharodžu, kab nie patanuć.
Oksna ŭ Smarhoni.
Pra zdareńnie paviedamili ŭ MNS.
Incydent adbyŭsia ŭ haradskim parku: dvoje mužčyn, prahulvajučysia ŭzdoŭž bieraha raki Oksna, ubačyli ŭ vadzie dzicia. Nie razvažajučy, adzin ź ich kinuŭsia na dapamohu dziaŭčyncy, u toj čas jak druhi vyklikaŭ bryhadu chutkaj dapamohi. Mužčyny vyciahnuli dzicia na bierah i pieradali miedykam, jakija špitalizavali vyratavanuju dziaŭčynku.
Vyśvietliłasia, što vučanica pieršaha kłasa, viartajučysia dadomu praz park, vyrašyła spuścicca da vady, ale paśliznułasia na bietonnym schile i ŭpała ŭ vadu. Ciačeńnie adniesła jaje da aharodžy, za jakuju jana trymałasia da prybyćcia dapamohi.