Усевалад Сцебурака. У тумановым краі… Верш

Усевалад Сцебурака апублікаваў у фэйсбуку новы верш.

Фота Валера Вядрэнкі

***

У тумановым краі
там, дзе цячэ Вялля,
ціха мяне чакае
Бацькаўшчына мая.

Там на пясчаных узгорках,
як дываны верасы,
там у стракатых пёрках
чыстыя галасы.

У старасвецкім парку
рэхам блукаюць сны,
стаў у былым фальварку
спіць у чаканні вясны.

Над заімшэлай крушняй
хвоі вартуюць цень,
дрэмле пад дубам вячыстым
стомлены цёплы дзень.

Там — зарападныя ночы,
там — салаўі ў гаях,
там паміраць не хоча
Бацькаўшчына мая.

Каментары да артыкула