Usievaład Ścieburaka. U tumanovym krai… Vierš

Usievaład Ścieburaka apublikavaŭ u fejsbuku novy vierš.

Fota Valera Viadrenki

***

U tumanovym krai
tam, dzie ciače Vialla,
cicha mianie čakaje
Baćkaŭščyna maja.

Tam na piasčanych uzhorkach,
jak dyvany vierasy,
tam u strakatych piorkach
čystyja hałasy.

U staraśvieckim parku
recham błukajuć sny,
staŭ u byłym falvarku
śpić u čakańni viasny.

Nad zaimšełaj krušniaj
chvoi vartujuć cień,
dremle pad dubam viačystym
stomleny ciopły dzień.

Tam — zarapadnyja nočy,
tam — sałaŭi ŭ hajach,
tam pamirać nie choča
Baćkaŭščyna maja.

Kamientary da artykuła