Макрон: Захад у найбліжэйшыя 8-10 дзён узмоцніць ціск на Расію
Прэзідэнт Францыі Эмануэль Макрон расказаў у інтэрв'ю выданню Paris Match, што на пахаванні Папы Францішка некалькі хвілін гутарыў з Трампам і заявіў яму: «Нам трэба быць значна больш жорсткім з рускімі». І, на ягоную думку, яму ўдалося пераканаць прэзідэнта ЗША.
Эмануэль Макрон з Дональдам Трампам у ватыканскім саборы Святога Пятра 26 красавіка 2025 года. Фота: AP Photo/Evan Vucci
Эмануэль Макрон мяркуе, што гэта дапаможа наблізіць мір:
«Спадзяюся, гэта так. У найбліжэйшыя восем-дзесяць дзён мы ўзмоцнім ціск на Расію. Я застаюся асцярожным, паколькі частка гэтага ўраўнення залежыць ад Масквы. Мы павінны быць адзіныя і пераканаўчыя.
Я лічу, што дзякуючы гэтай сустрэчы ў Ватыкане нам удалося аказаць зваротны ціск на Расію. Гэта і было пастаўлена мэтай, паколькі было б няправільна аказваць ціск толькі на Украіну».
Паводле яго слоў, найбліжэйшыя два тыдні стануць ключавым у спробах дасягнуць спынення агню і ўзмацнення ціску.
«Думаю, я пераканаў амерыканцаў у магчымасці эскалацыі пагроз і, магчыма, санкцый, каб прымусіць расіян прыняць гэтае спыненне агню», — дадаў ён.