На мінскім «Крышталі» будуць выпускаць гарэлку «Сукалень»
«Мінск Крышталь» запусціць вытворчасць гарэлкі «Сукалень». Адпаведныя запісы з'явіліся ў базах Нацыянальнага цэнтра інтэлектуальнай уласнасці Дзяржаўнага камітэта па навуцы і тэхналогіях Беларусі і Распатэнта, піша выданне «Белорусы и рынок».
Сукалень — гэта адна з назваў роду буйных балотных птушак сямейства бакасавых з вельмі доўгай дзюбай і доўгімі нагамі.
Часцей у Беларусі гэтых птушак называюць грыцукамі, і адзін з яе відаў, вялікі грыцук, прызнаны ў нашай краіне птушкай 2025 года. Ён занесены ў нацыянальную Чырвоную кнігу.
У партфелі «Мінск Крышталь груп» ужо, дарэчы, ёсць гарэлка з «птушынай» назвай — «Канаплянка». Пад гэтым брэндам прадпрыемства таксама выпускае разнастайныя настойкі.
Чытайце таксама:
У мінскіх крамах прадаюць кітайскую гарэлку за тысячу рублёў
Мужчына залпам выпіў літр гарэлкі і памёр
Менш мяса і рыбы. Як змяніліся прадуктовыя пакупкі беларусаў за год